اشكال برور ابواب خشب

عليك دائما اختيار اشكال برور ابواب خشب كي تساعدك في الحصول علي باب منزل انيق
لان الاطار الخارجي دائما يضيف كثيرا لمظهر الباب بشكل عام كما ستشاهد الان بعض البرور الجديدة باحدث التصميمات
وسوف نتعرف علي كيفية اختيار البرور وكل المعلومات التي قد تهمك عند الشراء

 

 

اشكال برور ابواب خشب

البرور عادة بتبقي من الخشب الموسكي طب ايه اللي بيفرق نوع عن نوع ؟

طبعا أول حاجه نضافة الخشب.

كل حاجه في الدنيا درجات و زيها الخشب فبتتأكد من نضافة الخشب
و ده بيبان من شكل العقد زي ما قولنا في الخشب الموسكي العقد بتبقي لونها بني وبتدي شكل حلو للخشب
مش لونها أسود وناشفه وسهل تقع وتسيب العود مخروم .

كمان مسح عود الخشب يكون كويس يعني الكستير (الحلية) بتاعة العود ناعمة مش خشنة

ده بالنسبة للنوعية والصنعة طب ايه تاني بتختار علي أساسه ؟

العرض: عرض العود بيبقي في أكتر من مقاس (ضيّق أو عريض) بتتدرج من 5سم – 6 سم – 7 سم – 8سم وبتوصل 10 سم و دي المقاسات المعتاده ..

انت بتختار العرض اللي انت شايفه مناسب ليك وده بيعتمد نسبيا علي مساحة الشقه
يعني مش هتجيب 10 سم والمساحه صغيرة يبقي دفعت اكتر في حاجه مش هتبان أوي.

التخانه: التخانه أو سمك العمود نفسه وده بنقول عليه برّ تقيل أو (محمّل)
لو كان السمك تخين أو برّ خفيف لو كان السمك قليّل ..

وطبعا كل التخانه ما بتزيد كل ما الشكل بيكون أحلي والكستير أوضح ” والسعــــر أغلي “

الطول: غالبا البرور بتبقي طولها ثابت يعني 2.40 متر و أحيانا بتكون 2.25 متر
وطبعا بتختلف في السعر والأغلب بيكون طول 2.40 متر.

الكستير (الحلية): بيبقي في أكتر من شكل للبر موضوع الشكل ده حاجه بترجع لذوقك يعني مفهوش وحش أو حلو
فيه حاجه عجباك أو مش عجباك فانت بتتفرج وبتختار الشكل اللي يعجبك..